တေးဆိုငှက်တို့ရဲ့ သီကြွေးသံအစား ရော့ဂီတသံတွေဟစ်ကြွေးနေရဲ့.......
နွားလှည်းသံတွေရဲ့အီသံအစား ကားဟွန်းသံတွေကလွင့်ပျံနေလေရဲ့.......
အဖွားရဲ့ဘုရားရှိခိုးသံအစား ဈေးသည်တွေရဲ့ဟစ်ကြွေးသံကိုသာကြားနေရလေရဲ့.....
အမေ့ရဲ့ချက်ပြုပ်သံအစား ကာကာဆိုင်ကခွက်တိုးသံတွေသာကြားနေလေရဲ့....
နံနက်ခင်းရဲ့လေပြည်တွေအစား ကာဗွန်ရနံတွေကိုသာရူခြိုက်နေရရဲ့......
အာရုဏ်ဦးရဲ့နေခြည်အစား မာကြူရီမီးရောင်ကိုသာအားပြုနေရရဲ့.....
အမေ့လက်ရာထမင်းနွေးလေးအစား ကော်ဖီခွက်ကိုသာကောက်ကိုင်နေရရဲ့.....
လွယ်ပလိုင်းလွယ်မယ့်အစား လက်ဆွဲအိတ်ကိုသာဆွဲနေရရဲ့.....
ဓားလွယ်နဲ့တံစဉ်အစား ဘောပင်တစ်ချောင်းကိုကောက်ကိုင်နေရရဲ့.......
ရူမဆုံးလယ်ကွင်းပြင်တွေကိုကြည့်ရမယ့်အစား ကွန်ပျူတာမှန်သားပြင်ကိုသာကြည့်နေရရဲ့....
ကောင်းကင်ပြာပြာအောက်မှာနေရမယ့်အစား တိုက်ခန်းတွေရဲ့အလွှာဆင့်တွေကိုသာမြင်တွေ့နေရရဲ့...
အမေ့ရဲ့မှာနေကြစကားသံကိုကြားရမယ့်အစား လူတွေရဲ့စေခိုင်းခြင်းကိုခံနေရရဲ့.....
အဆိုးဆုံးကတော့အမေ့အရိပ်အောက်မှာနေရမယ့်အစား သူစိမ်းတွေရဲ့လွှမ်းမိုးမူကိုခံနေရတာပဲ.....
No comments:
Post a Comment